تصميم الصورة : أمل الشريف
قـسـمـة ونـصـيـب
خطوتى لبكرة مبتورة
فى القدر شامة ومكتوبة
بحكاية على جبينى مرسومة
لإمبارح اللى ساكن حدىّ
وحالف ماراح يعدىّ
إلا بريشة مقهورة
على وريدى محفورة
ولطمة على سنينى
بآهه مكتومة
فـ ابتسامة مكسورة
لـ فرحة مسروقه
وأمى ياقلبى مغمومة
على حالى مهمومة
بإيد فـ المدى ممدوده
تمسح دمعتى .. مكبولة
لا عارفة ايه تسوىّ
غير تدعى لى وتصلى
وأبويا فـ قبره بينكوى
على زمانى المفترى
هَمْ براح .. مايستحى
يللّا إكبر وإنتشى
مش هفارقك
بقيت صاحبك الوفىّ
وجود وهات بالخفىّ
طب ليه يابكره جيّ !
بقلب ساحرعاشق نديّ
فـ ليلى ..همسُه يضَىّ
وحلم عارفه مايبتدى
لطريق طويل ماينتهى
أيام تروح وسنين تعدى
واللى راح ماراح يعدى
روح يابكرة بقلبه وقلبى
قول له : امبارح لسه حىّ
ليست هناك تعليقات:
إرسال تعليق